الهيـــــــــــــلا *** منتدى قبيلة عتيبة - ياورع جعل الله يغيضك ويطنيك.... انا بخير وسالم الجرح لولاك

هذه القصيده لشاعر محمد بن برجس الاسعدي:
ياورع جعل الله يغيضك ويطنيك
انا بخير وسالم الجرح لولاك
وش قربك لي عقب مانيب ناسيك
تحول بيني واتلع الجيد ملفاك
وازيتني والله على العمر يوزيك
فرقت مابين ومابين ذولاك
لانيب في حالك ولافي حراويك
لاشك شرك طالني وانت مناك
لطمت ورد حام ماهوب ناصيك
لاوارد حوضك ولاشارب ماك
ياورع قل له ذاهب اللب يرجيك
واظن ماقلبه صبور بلياك
مولع بك ذاهب من تمانيك
رقيق حال ناحل تقل مسواك
لاراجي وصلك ولاهوب عازيك
ولاقاطع ياسه ولاايقن بلاماك
متحير مابين هذي وهاذيك
ويدير باله للموافق والافلاك
اما انجده جعل اللي اشقاه يشقيك
والا امنحه عقب التصاديد برضاك
انا حريص ودي ارضيه وارضيك
لازم علي واثق فيه شرواك

وسلامتكم