الله مـن قلبـن همومـه تـرزز=مره تشـد القلـب ومـره تكـزه
على هنوف(ن) ختمولـه وفيـز=وشد الرحال وشد قلبـي وجـزه
ياسعود قلبي من فراقه تلعوز=الزاد عفته وعفت قرصه ورزه
ريم(ن)تميز وميزته ملبس العـز=لبست وسام العز وتـاج المعـزه
لعيون من تلبس بلوزه على الجنز=الي على شاطي الرفيـرى تنـزه
لعيونها ياسعود أكـد لـي الحجـز=وجهت سفر لديار ريم(ن) نعـزه
أنته كما ضلع(ن) عليـه أتعنـز=لا من زماني عض كتفي ودزه
هزت غصون الشوق ياسعود وهتز=وتساقط((ن) أوراق شوقـي بهـزه
مقوى وداع الـي بزينـه تميـز=أجمل بنات الكـون سكبـه ورزه
من غيبته والقلب كنه علـى قـز=الدم يغلي والحرق الشـوق قـزه
يفز قلب(ن) شافهـا وخافقـه فـز=ويسرح مع الهاجس بجوله وبرزه
اليا حضرت كل العذرى تنرفز=أجمل بنات الملعبه تستفزه
سحر الجمال الي على عينها أرتز= يغرس غلاها فالقلـوب ويـرزه
متمركز(ن) حبه بقلبـي تمركـز=مركاز شارون المسمى في غـزه
تفداها غيد ديار مـن ورد البنـز=الي تمز التتـن فـي كـل حـزه
والي تقرقع كاسها وقدمها كـرز=ومن مرها يأخذ من الريق مـزه
أثر الغلا في بعض الاحيان يبتز=لاصرت واضح في غلا من تعزه
يالعب بقلبك لعبت البنك والكنز=وتصير خاتم كل عين(ن) تقزه
أطمس غلاها وكنك أتقول له طز=بامر الولي تجلس على عرش كنزه
هذي نصيحه وكل ماقيل موجز=والحرف واحد كان مافيه همزه

متمركز(ن) حبـه بقلبـي تمركـز=مركاز شارون المسمى فـي غـزه
تفداها غيد ديار مـن ورد البنـز=الي تمز التتـن فـي كـل حـزه
والي تقرقع كاسها وقدمهـا كـرز=ومن مرها يأخذ من الريـق مـزه

المشاركة الأصلية كتبت بواسطة سعود العصيمي (المشاركة 914670) سحر الجمال الي على عينها أرتز يغرس غلاهـا فالقلـوب ويـرزه متمركز(ن) حبـه بقلبـي تمركـز مركاز شارون المسمى فـي غـزه الله الله ماهذا الابدااع صح لسااانك يامحمد مليووون ولايكفوون قصيده راائعه

المشاركة الأصلية كتبت بواسطة سعد السميري (المشاركة 914672) متمركز(ن) حبـه بقلبـي تمركـز=مركاز شارون المسمى فـي غـزه تفداها غيد ديار مـن ورد البنـز=الي تمز التتـن فـي كـل حـزه والي تقرقع كاسها وقدمهـا كـرز=ومن مرها يأخذ من الريـق مـزه مززه .. هههههه .. صح لسانك يابن شبيب وافي وعلمك غانم .. قصيدة جميلة منك .. وانا والله تعجبني هالقوافي التعجيزية في وجهة نظري .. تقديري[/size]

المشاركة الأصلية كتبت بواسطة طلال ناشي (المشاركة 914695) محمد صح ألسااااانك دبـــــــل في قمة الرووووعه قاف ناري تقبل تحياتي وتقديري

المشاركة الأصلية كتبت بواسطة نــايــف الأزهـــــر (المشاركة 916906) صح لسانك يا محمد ابياات ذوق