سلام ياراع الوفا منبع الجود = سلام ياللي فالمواقف صتيمي
سلام يامن برهن الطيب بوجود = يافاعل المعروف علمك غنيمي
في فعلك المعروف منته بمجحود =رد الثنا حقن عليّه مقيمي
يوم ان غيرك فزعته ماثمرت فود = وتهت السنع وازريت لرجع نديمي
جيتك وانا وضعي معقد ومضهود = وانهيت موضوعي وفكيت ضيمي
نظرت في دعواى والباب مسدود = وختمتها ذاك القرار الصريمي
شكرآ لكم ياسعود شكرآ بلا حدود = من حشّم الاحشام رجلٍ حشيمي
أنا اشهد انك طيّب الراس ياسعود = والنعم والله ياسعود العصيمي
تجود لاهل الجود بالجود واتجود = من طيبك اللي وارثه من قديمي
من راس ابوك وجدك الاول العود = اللي بنوا تاريخ مجدن عظيمي
امجاد عز الها مواثيق وشهود = يشهد بها شيخ العرب والفطيمي
والله مهما اقول ياسعود وازود = ملحق مدى طيبٍ بشخصك مديمي
واختامها مني لك الشكر مردود = ويجزاك بالحسنات ربٍ كريمي
انكان جاء مني خطأ غير مقصود = ماني عليم القول توي عليمي.

يامرحبا ترحيب كادي وكمبود = ينهج على نهج الرجال السليمي.
ومكملٍ عن كل نقصٍ ومنقود = ويبقى على طول الليالي مقيمي.
ماينمحي لوكان هبت له النوود= ولو كان يطلا طلي جربٍ وهيمي
للشاعر اللي بالوفاء ماله احدود = عماد بن سلطان عوق الخصيمي.
من روس قومٍ خصمهم دوم ملهوود = لاهب للهيجاء نسايم نسيمي.
الآد مرشد مزبنة كل ضهود = من ماضي ايام الزمان القديمي.
تاريخهم فالوقت من زود في زود = من فعلهم يشيب راس الفطيمي
وفعول ربعي مالها حد محدود = بالرمح والسيف الحدب والقديمي .
الله خلقهم ضد طاغي ونمرود = وهبة من الرب السميع العليمي
فعلآ عليه اسناد وصكوك وشهود = فعلآ كما موج البحور الطميمي
برقا وروق نمور طالات واوسود = سمٍ سقطري للعداء والغريمي.
والطيب وهبه يوهبه ربي فهود = وحنا فهود الطيب لمّا لميمي
من دون قاصر فالقبايل هل القود = كلٍ وله فالطيب فعلٍ تميمي