مرحبا ترحيبتن كنها السيف اللميع=بالنيابة عن رجالن لمحنا صوعها
ابشر ابشر في عميلٍ مكانه فالرفيع=المعاني قيٌد الحبل في كرسوعها

والبقاء ياراعي العرف والصدر الوسيع= والنيابه عن عتيبه نجح مشروعها
من مشى فالدرب الايمن ماظن أنه يضيع=والخطوط الحمر يعني خطر ممنوعها

وش لقيتو فالخلا يوم جى وقت الربيع=العرب قد وصلنا علمها فاسبوعها
اكر اكرب لك حزام ولتبحث عن شفيع=المصايب حاصلة نابعٍ ينبوعها

فالخلا ماتاه تايه ولا دور رضيــع =مير يمنا صاحبي كيف قبل كوعها
كل عاصي يابو خالد باذن ربي يطيع = والنفوس الوامنه ماندور روعها

تر نشدتك وانت دحترت للخط السريع=والسلع ياكثرها غير تجهل نوعها
مانوينا فيك يالجودي علمٍ شنيع=عارفٍ نكستك ودنياك كيف تلوعها

والله اني داخل السوق ماسوم القطيع = والخلايق ياوالد معرفة اسنوعها
وفالختام الثلج حطـه بنار ولا يميع =كان تقدر فقضب النفس يا مخدوعها