ياليل لوعلمتني إن الأماني فيك ميح = ماكان شطرت المعاني يوم جتني بالمقاس

ترى هذا اللي ناكبٍ عفشي صراحه يالسريح = أليا تمنيت الذهب يطلع بعد حكه نحاس
تعبت من وقتي ولا أدري عاد كيف أبا أستريح = وأنا من العلقم يابو متروك شارب كم كاس
ياكثر ماوقف على الرجلين ثم أرجع وطيح = ونطحت سالت دمعتي مجروح وبليا حساس
أنا اليتيم اللي ماماتو والدينه والجريح = وأنا الغريب اللي فقدله ناس ماهم بي ناس
كبدي من اللي صار ياتركي لها مده تفيح = فوح الدلال اللي فناجلهن يجلَن العماس
ماعاد باقي غير أشق الثوب وصفق وصيح = مجنون عقلي ماننقص واللي بقلبي مايقاس

المشاركة الأصلية كتبت بواسطة عمر العتيبي (المشاركة 912602) ياسلام صح لسانك ياطلال وصح لسان تركي أنا اليتيم اللـي ماماتـو والدينـه والجريـح وأنا الغريب اللي فقدله ناس ماهم بـي نـاس هنا طاب لي الوقوف طويلا ً احترامي

المشاركة الأصلية كتبت بواسطة أبو فيصل الدلبحي (المشاركة 912637) طلال ناشي اسم يحضر ويحضر معه الابداع لله درك ماعاد باقي غير أشق الثوب وصفق وصيـح مجنون عقلي ماننقص واللي بقلبي مايقـاس ياوجه الله يالبيت هذا ولا في البقيه عذاريب صح لسانك يابو ناشي في انتظار جديدك