في ليلةٍ فيها القمر نصف مشطور=والصمت قد خيم على كل الانام
كني مع الوحده من الله مامور= مسترجع الذكرى بعد طافها عام
من بعد صرت ال طبت السوق مجبور=بقضي لزومي بين غتره وهندام
والعود الازرق لابقى الحال ميسور=وان كان ماجبته فلاهوب بالزام
وساعة خلصت وتالي الوقت مهدور=من عرض ماناسب مقاسات واحجام
اخذت دربن طارف السوق مهجور =عن كثرة العالم وبعدن للازحام
وانا في دربي شفت مايشبه النور= الا ..البدر كامل على وقت الاتمام
غرون معه يمشي ابجانب السور=ومن الحيا عيا عن المشي قدام
واللي لبس من ضافي اللبس مستور=ماحط فوق الكتف ولا لف بلثام
ماكنه الاظبي ن بعالي القور=من بعد سارقني بنظره وسلهام
وكنه زرقني رمحن ابكف مقهور= والا مثل من صايبه هم واسقام
والابعد ماصار صدام مغدور =صرت ابمثل ماصاب صدام...صدام
كملت وحسيت الفضاء كله يدور=ولاكنت اظن ان النظر يرمي اسهام
وقررت اعرض الحال لايات دكتور= واشرحله الحاصل بدقه وبلمام
دكتور يادكتور والعلم كالنور=عطني دواكـ اللي يسكن للالام
مذكورلي انك للاعلال قابور=وانا ترى وضعي كذيا من العام
كشف علي وقال ماجور ماجور= هذا الهوى مستحكمن فيك باحكام
قلت الدوا قال الدوا عدت امور=حاول على نسياه مع مر الايام
يمكن مع الايام ماهو بمذكور= اويحترق طيفه مثل حرق الافلام
وان كان عن نسياه مافيك مقدور=امدد حبال الوصل من شرع الاسلام ا
ثم قلت يادكتور مشكور للشور =وخلك من الجيزه وعود للاهرام
ان العيون اللي في اطرافهن حور=قد اصدرن حكما علينا بالاعدام

المشاركة الأصلية كتبت بواسطة ابن صنهوت (المشاركة 912176) الله ابداع بارع يالبارع لاهنت صح السانك