يامير عشت وهانيتك السلامه =الشعب يامير بسلامتك مسرور
ياامن البلاد وياذراهـ وحزامه=ويا سيفه اللي فالمهمات مشهور
هامتك تعلو فاللقا كل هامه=ووقفتك في وقت الشدايد لها دور
لااستصعب الموقف وزاد احتدامه=لاعمْست الاشوار شورك هو الشور
تسهر وشعبك يهتني في منامه=لجل الوطن دمّك على الظالم يفور
واللي يبا الامن يتزعزع قوامه=يخسى ومقصد خاين العهد مخبور
غرّربه الجاهل وغيرنظامه=وزين له الخطه ومثل له الدور
وأصبح رهينه للعدو فاستلامه=في يدين الاعدا صار منهي ومامور
بإذن الله انه مايحقق مرامه=مادمت حي وبارق العز منشور
من دونه اللي يحتمون الجهامه=قادهـ وشعب وحظ الاخصام مثبور
في ظل ابو متعب وريث الزعامه=وفي ظل ابو خالد سند كل معثور
وفي ظل ابوك اللي رفيعِ مقامه=نعيش فأمن وخير والحال ميسور
ومسك الكلام وفي نهاية ختامه=دعوه من فوادي ومن صادق اشعور
يالله عسا عمرك يطول بسلامه=ويالله عسا كيد المعادين مدحور