الضعيف ألي يشيل الضعافة في حشاه=خسرت أمه يوم قالولها جبتي ولد
ماهو بكفو الثقه والوفاء تربت يداه=جعل من ثحمل بمثله تموت ولا تلد
وش تبا بالهم والغم وصدوف الحياه=دام فيدتها يفشل ولايوفـ الوعد
كيف يغدر من وثق به ولابحث خفاه=كيف يهدر دم قلبه على ضاعة جهد
مادرا إن المنتحر مايبشر بالنجاه=ولا درا إن الدار بالدين والأمن أتحد
يامعدمت المذاهب مقلبت العباه=والله لتبطون أنتم تحت جور ونكد
البلد فيدين حكامن تبيد الطغاه=لاتحسون إنكم تتظرون البلد
في يدين أخوان نوره تعلا مستواه=من تطور في تطور ويبشر بالسعد
الرجال ألي على المله تقيم الصلاه=حاكمينه من قديم الزمن وأليا بعد
ثبته عبدالعزيز الشهم وأحكم بناه=الشجيع ألي فعوله تؤرخ للابد
وحد أركانه بعزمه وبالسيف أحتماه=وطبق الدين الحنيف وعلى الله اعتمد
ومن بعده سعود قاده وحقق مبتغاه=ثم فيصل حاكم العرب حلال العقد
ثم خالد راعي الجود زبن ألي لجاه=ثم لطام المعادين أبو فيصل فهد
رحمة المولى عليهم عدد ما امطر سماه=ولله يطول عمر من على العز استند
سيد الأسياد رمز الوفاء ستر العراه=صقرنا ألي نفتخر به ليا حان الهدد
صقرنا عبدالله ألي عطانا ألي نباه=مال خلق الله منّه ولافظلن لأحد
قادنا للعز والشعب ينعم في ذراه=كيف لا والدار كله تباشير ورغد
وفي جواره شامخن للوطن كثف عطاه=الأمير ألي فعوله تهيض من قصد
سيدي سلطان عون الضعيف ألي نصاه=مالحقنا ظيم دامه ولياً للعهد
وفي جواره مرهب الخصم ومخيب رجاه=سيدي نايف ونايف دليل ألي نشد
دون داره وقفته مايبا لحدن وصاه=عزز الأمن ووقف في وجيه أهل الحسد
وأبنه محمد معه والضعيف ألي نواه=خسرت أمه يوم قالولها جبتي ولد
ضر نفسه والوطن ماتغير مستواه=ثبته عبدالعزيز وبيبقى للأبد