كانك على وضح النقى مشتريني=وضح النقى من صاحبـك ماهو بـ منــك
وكانك على درب الصدود اتحديني=انا على صدك وبعدك بعاونك
الناس واجد وانت يانورعيني ؟؟=(قد قيل من لايعرفك مايثمنـك)
لاتحتري وصلي ولاتحتريني=اقفيت عن وصلك وقفى الهوى عنك
لاتمتحن قلبي ولاتبتليني=الله بما يبلى المحبين يمحنك
قلب ابدوي(ن) قد طواه الحنيني=وفالعشق مايغريه مظهر تمدنك
كنت احسبك فرحة ليالي سنيني=وابطيت الد العين لك واتعينك
واثرك تبي تبحث خفاي وكنيني=وتخون (قرم) وتحسب (القرم) خاينـك
ماهو باانا الي يرتخي لك جبيني!!=ومعادني ماتشتبه مع معادنـك
(سيف المعزه) قاضبه في يميني=و(رمح الشموخ) اطعن به اعداي واطعنـك
ماكل من يبغى يجيني يجيني=كان العذارى في غرامي تحدنـك
حتى لو انك يالغظي تهتويني=وين انت ؟ يوم اني عن البعد صاينك
يوم ان شفي شوفتك ماتبيني=ذق ماتجرعته من الغبن والظنك
اخلصت لك والعشق للمخلصيني=وخليت حبك شيك والشيك فالبنك
وقضى رصيده بين قسوه وليني=واليوم لو تطلب ضمانتك مااضمنـك
غرك حلاك وضيعك ياظنيني=والليل غير لون قلبك ولونك
قد قلت خلك في خفوقي رهيني=وابشر بقلب(ن) بااروع العشق يحظنك
لكن خذيت الشور من عاذليني=وشديت عن دارك وخليت موطنك
واليوم حال البعد بينك وبيني=وفعلك بعيني يااريش العين شينك
غب ضمن ناس(ن) بالزمن غايبيني=دام الغياب اصبح بعيني يزينك
لاتحسب ان قلبي ببعدك حزيني=ان كان بعدي هز قلبك وحزنك
وان كان جرحك في خفوقك مكيني=كله سبب صدك ولعبة تهاونك
روح وطع شوري ولاترتجيني=مادماني قفيت قفى الامل عنـك ..,

المشاركة الأصلية كتبت بواسطة عمر العتيبي (المشاركة 909724) يا سلام يا عناد ياسلام صح لسانك مدد بلا عدد وبيض الله وجهك حتى ترضى قصيدة رائعه ويسرني أن أسجل إعجابي من خلالها ننتظر الجديد بشوق لا تأخر علينا احترامي

مرحبـآ بك ياعمر ويشررفني مروور شرووآآك



صح بدنك

لاهنت

تقبل تحيـآأتي


دمت فالوجــووود

المشاركة الأصلية كتبت بواسطة المشهاب (المشاركة 910177) قصيده رائعه وصح لسانك ياعناد

مررحبـآ بك يالمشهـآأب ..,


الروعه مروور شروأك ياطويل العمــرر ..,



صح بدنك



تحيتي لك

المشاركة الأصلية كتبت بواسطة سيف عنزه (المشاركة 910224) لاتحسـب ان قلبـي ببعـدك حزيـنـي ان كـان بعـدي هـز قلبـك وحزنـك وان كان جرحك فـي خفوقـك مكينـي كلـه سبـب صـدك ولعبـة تهـاونـك روح وطـع شــوري ولاترتجيـنـي مادماني قفيـت قفـى الامـل عنـك ياسلاااااااام عليك.... ابيااااات راائعه....صح لسانك ملايييييييين لاهنت يا الغالي

يامررحبـآ ياااسيف




صح بدنــك يااطوويل العمــرر



ومشكور كل الشكر على مروورك ياطوويل العمـرر




لاهنت



تقبل تحاياي