رحمة الله عليك وجعل خضر الجنان=مستقرك ومأوى منتهاك الأخير
يا كريم السجايا الطيبات الحسان=يا نزيه" على درب الردى ما يسير
راعي الطيبة والطيب من يوم كان=أبن زايد ومن ذكره يفوح العبير
طيب" طاب واوجد له مكان وكيان=لين كل" شهد له من كبير وصغير
شيخ والله وله بالمشيخة عنفوان=ما خذاها بورث ألا بعلم" شهير
يوم كافح ونافح من قديم الزمان=وانتهض مثل حر" هومته للمطير
ماتراخى بعزم ولا تخاذل وهان=هومته هومة القرم الشجاع السفير
أسس الدار والديرة برأس البيان=وارتكى للمراجل بالمقام الكبير
كثر ما قيل ماقالوا عنه يوم شان=في وجيه الرجال اللي تبي منه خير
كاسب ونعم عند فلان وألا فلان=كان من ربعه العتبان وان كان غير
فيه تلقى الثناء من كل عظمة لسان=دارج" في مجالس مكرمين القصير
ويش أبااذكر عنه غير العلوم السمان=لو تماديت في سبح المحيط الغزير
يالله اليوم يامعبود لأنس"وجان=ترحم أبو فهد وتسامحه يامجير
أنت ذو المغفرة يارب والمستعان=رحمتك واسعة وأنت السميع البصير

صح لسان الشاعر مشعل بنوار

والله يرحمه الشيخ محمد بن زايد



ولاهنت ياطارق على النقل