يا دبي لو لا اللي ملكني غلاها = ما اراقب انجومك واراقب سماها
ترضيني بلادي ولاهي غريبه = ومن عاش ببلادي تمنى ثراها
ديرت هلي هي شف قلبي وروحي = والله لو اغيب منسا هواها
وشلون ابنسا والليالي شواهد = لاغبت عنها ما رحمني غلاها
تطري علي بكل يومن وليله = وفي ديرت الاجناب كني معاها
ياما عطتنا فالليال الشديده = ولا خير فينا لانسينا عطاها
حدتني الحاجه وروحت عنها = والناس للحاجات تبعد مداها
مادور الدنيا ولا لي مصالح = ولا ادور الصفقات واللي وراها
روحت فامي تاج راسي وعيني = ماقصرت واليوم وقفت ضناها
ياما اغمرتني فالحنان وعطتني = والله لو اموت مالحق جزاها
واليوم يا دكتور مدخلك بالله =وكلتك امي لاتزود عناها
ارفق على موسك وخلك مفتح = ماشوف فالدنيا الوسيعه سواها
ماقول تشفيها ولا قول قادر = الله اليا منه بقاها نواها
لكن تبصر واذكر الله وركز = ماعاد تنفعها يديها وعصاها
وان ماكتب ربي بدينك فرجها = لاتدمر الركبه ويصعب دواها