الهيـــــــــــــلا *** منتدى قبيلة عتيبة - أجمل بيوت النقض والفتل جــديد ولم ينشر

السلام عليكم ورحمة الله وبركاته

محــــمد بن تويم يرحمه الله:

ياحـــــوارن من أمـــك مالين فمك درا = جاك قــومن تبا تاكل سنام السمينه

ديس لك فيه خيــر وديس لك فيه شرا = لايغـــــشك نظــرك ولايصيبك غبينه

هــــلال السيالي يرحمه الله:

ديس محلوب ولا ديس باقي مصرا = كيف يشرب منه من لاعرف وش كنينه

والتجارب لها مفــــــعول حلون ومرا = وإن كـــــــويتوا جمل عابر كوينا سنينه

خلف بن هذال :

عز الله إنك كذبت ولاعلى الحجه مداخيل = لي حجة عن سبيل الكذب والزور معصومه

أنته تدربي علـــــوم مصممه كبر البراميل = ياكـــــــثر من مات من حلام مافسر حلومه

صياف يرحمه الله:

هذي كتابة قلم تقعدلكم جيلن بعد جيل = واللي قراها فوقت النوم غصب إيطير نومه

قصيت جرت جمل وأقفت عليها جرة الفيل = والرجل نعرف سواليفه وندري عن قدومه

نواف العازمي يرحمه الله:

إن جيت فالطـــــايف على ماتقولون
خليت صاحيــــــــــكم بلاعقل مجنون
وأنتم من اللي صار وش تستفيدون
طـــــــــــــول علينا الليل ياليل ياعين

العام مال السواطي غير سنين = واليوم سافـــر وجانا في ثماني

جار الله السواط :

يامـــــــــرحبا بيه ويامــــــــــرحبابك
لاكـــــــــن قلي ويش حضرة جنابك
جيتك من الطايف وحاسب حسابك
طـــــــــــــول علينا الليل ياليل ياعين

بعطيك فالوحده خمسه وعشــرين = يافكـــــرتي من تهاويل الزماني

جارالله السواط :

أنتم سوالاتكم ماشـــــــافو إلها فعــــــــــول = لاخير فالعـــــــــــــمه القشـــرا وفـعمامها

إن طال عمري عسى عمري من الله يطول = وأنتم غضيــــــــــبين ياالأرحــــــام برحامها

حبـيـب العازمي:

حنا ســـــــــــوالاتنا تعدل ثقــــــــال الحمول = ياصحــــــــاب هيا ياعســـــــكرها ياخدامها

الله جمعكم سوا في نــــــــص ريع الحجول = حزمة على رفـــــــــــرف الددسن وصدامها

رشـــيد الزلامي :

وقتـــــنا و قتن ثمين ولاتســــــبب في ضياعه = ثم ناخذهم على شانك سريبه في قريبه

كل دار أمشي عليه أعرف سباعه من ضباعه = وأعرف الذيب الشــرود ولايخوفني قنيبه

محمد بن جرشان :

وقتـــــــنا وقتن ثمين ولـــــدة الساعه بساعه = أتـــــــرك اللي لاتواجهت اللقافه تستنيبه

يارشيد إن طعتني لايضربك جــــــذع الفراعه = وأنت شيخن لللعوالي والعوالي من عتيبه

أبومشعاب :

راعي البشت الشمالي شفت برقن عصر لده = يبدي المرقاب مثل الذيب في كبده مراره

يمكن إنه يازعــــيم إثبيـــــــت من قوم الأشده = كل راسه له قياس وفيه شي من النعاره

مطلق يرحمه الله :

مخـــــــبل النايم يحســـبنه تحت راسه مخده = مادرى إنه مثل أخوه ومثل أبوه ومثل جاره

البعيــــــــــر اللي ليامـــــــنه تلففت حط بده = سرع ماشــــــفته معنز جوف دكان الجزاره