اخير منها ركعتين بالأسحار = لا طاب نوم اللي حياته خسارة

يا ضيف ياللي بالسنه لك زياره =يا حي والله هالزياره زيارتك
يا ضيف في جيتك فضل وتجاره =الله يوفقنا لحسن استضافتك
جيتك فرصة عمر تاره وتاره =شر على من لا عرف قدر جيتك
لك يا شهر بين الشهور الصداره =وعند أمة الإسلام عليا مكانتك

شهر رمضان اللي به اصيام واقيام =بقراية القرآن نحيي لياليه
شهر الحساني رابع أركان الاسلام =اللي به المحسن تضاعف حسانيه
شهر به الرحمه وغفران الاثام =وايضا نجاة من جهنم بتاليه
به ليلة عن الف شهر لمن قام =فيها القيام ويطلب الله ويرجيه

اخير وابرك ما بتدي به كلامي =ذكر الولي منشى السحاب المراهيش
الواحد المعبود رب الأنامي =اللي ضمن لبنادم الرزوق والعيش
مشبع ومروي كل جايع وظامي =متكفل في عاقل الناس والديش
ابا اطلبه بقدوم شهر الصيامي =شهر عليه كبود الامه معاطيش
يقبل صيامي به ويقبل قيامي =من غير لغو وغير غلو وتشويش