يا سلام الله علاكم سلام بلا كلام = يا رجال(ن) فالمغازي تدن طبولها
من يبا يمشي معي والطروق الها مقام=والدروب الباقيه كلبونا حولها

مرحبابك ياهلا يامجاوب بالسلام=والرجال اهل الوفا من يغر فعولها؟
سرها قدام والنور جلاي الظلام=والدروب نقيسها عرضها من طولها

البقا باللي حظر عقب رحنا ننام = مار بانت هرجته واتضحلي زولها
انتبه من درب كله حطام (ن) في حطام= والسحابه غطتك ترجهن اثعولها

انت وسط المنتدى مانت في قصر السلام=مار هات العلم واللي تباها قولها
فاللزوم اللازمه مانشد الا الحزام=ياسحابة صيف ماناشني هملولها

شفت لي ناس(ن) سروا ليلهم كله قيام = منتدى الهيلا حصاني تكب ادحولها
والعلوم اللي مضى دونها ستين عام = ما تسر اللي حكوا ما ينومس قولها

لاتشب النار من تحت وبال الغمام= خل بعض ابوابها لاتفك قفولها
العلوم اللي مضت كلها حسب النظام=والسوالف بعضها لاتجي مرسولها

حالف (ن) لاضيعك لليمن والا لشام = لين تقرا لغزها ثم تحوس حلولها
قبل ست اشهور حيه وعشر من السوام = ربعوا في بطن جده وجات حمولها