ياكثر ماعـزك وقـدرك وغليـك = لوكان منك اشوف بعض الجفـوه
الى متى وانتـه تزيـد ابتجافيـك = وين الصداقه والوفـاء والمـروه
ضيقت صدري كل يوم ابتشكويك = لافيـك لافزعـه ولابـك احموه
ولو كل ماسويت غلطه نجاريـك = يمدي قطعت احبال وصل الاخوه
لكن بالصبر الجميـل امتحديـك = والصبر وصى به رسول النبـوه
ومادام طال الصبر قررت اجازيك = وماتقدره ياصاحبـي قبـل سـوه
طاوعت شور امعقدين اشرابيـك = كلن يقول لصاحب السـوء غـوه
والرق لرقاب العبيـد المماليـك = اعتق ضميرك خل عندك اجـروه
نور القمر ماهوب نورالاتاريـك = الفرق شاسع بين نـوره وضـوه
واليوم اقول ابصادق القول مابيك = عزيت عنك وعن وطنكم وجـوه
بيني وبينك ياس مافيـه تشكيـك = والا الرجا قصر حبالـه وطـوه
جنتك مبغيهـا ونـارك تصاليـك = ونا بخيـر وفـي معـزه وقـوه