الحزن مثل الليل مضف(ن) سدوله = علي من ساعة سمعت النباء الشين
قالوا توفى تاج راس الرجوله = وقبل اتكلم حولت دمعة العين
ثم قلت وانا مندهش من يقوله = قالوا هذا الحاصل عسى ربك يعين
وضاق الفضاء والكون عرضه طوله = وللحزن في وجهي رسوم وعناوين
على الذي كل الرجال شهدوا له = بالطيب والطيب ترا ذكره يبين
بداح نتعب ما حصرنا فعوله = نادر زمانه قلتها واحلف يمين
والله ما احد مثله ولا احد(ن) بحوله = من غير قاصر فالرجال المسمين
جاله بفعل الطيب صوله وجوله = وفيه الحميا ما يجي ربعه الشين
من دون ربعه مسرجات(ن)خيوله = ومن بينهم ما هوب عايش بوجهين
وهاذي طبوعه من زمان الطفوله = ورحل وهو باقي على طبعه الزين
ومثله رحيله ما يمر بسهوله = لكن حنا بالقدر دوم راضين
هذا القدر ياجب علينا قبوله = والله يعدل مايلات الموازين
وعساه فالجنه شفيعه رسوله = ويغفر ذنوبه خالق ادم من الطين
وختامها يبقى ولو غاب زوله = فالبال والضيقه تبى تاخذ سنين
والله يصبر كل من ضاق جوله = ويجبر عزانا فيه رب المصلين

المشاركة الأصلية كتبت بواسطة عبدالرحمن الهيلوم (المشاركة 906229) صح الساااااااااااااانك يالغالي

المشاركة الأصلية كتبت بواسطة عمر العتيبي (المشاركة 906257) الله يرحمه ويغفر له ويجعل مثواه الجنه ويجمعك معه فالجنه صح لسانك يا سلطان ومبروك عليك الشهر احترامي

صح بدنك

الله يبيض وجهك دنيا واخره

لاهنت

المشاركة الأصلية كتبت بواسطة خيال الصفراء (المشاركة 906284) الله يرحمه ويسكنه فسيح جناته ويغفر له الله وصح لسانك قصيده وااااااافيه

جزاك الله خير

وصح بدنك

لاهنت