عيضه الثبيتي

هلا يامرحبا عند راع الطيب والجود=ابن عمار لاقام في قاله عمرها
مدام الصف موجود أكيد الشعر موجود=وأقول الملعبه عامره باللي حضرها

محمد المسعودي

يدوم الك البقاء والسوالف قودها قود=أنا ادري عن هل الدار وادري عن خبرها
ترى الميزان بالكيل لانقصً ولا زود=تولّم ثم دف السفينه في بحرها

عيضه الثبيتي

يجي للصيف ياصاحبي برَّاق ورعود=وتاصلك السحابه وتروى من مطرها
أنا اخبر المقمع ماتبغى غير بارود=ولا ابغى ازيد بارودها يفجر نحرها

محمد المسعودي

ترى عيضه عن اللي يقوله صبح منشود=مصيبه كان يضوي ولا ضوّى خبرها
ثبيتي والمساعيد منسوبه للمسعود=نبى نتبعك ونقص جرتكم بأثرها

عيضه الثبيتي

أنا بيني وبين الهذيلي حد محدود=لكن هذيل تبغى قطر ماهو قطرها
أنا مابغى على اللي تقوله حلف وشهود=اعرف جدودكم والعلوم انت تخبرها

محمد المسعودي

ابشرك الديار اصبحن سهود ومهود=نسيّر فالجزيره ونقطف من ثمرها
ارد عد الروى واعرف أن العد مارود=وأنا أعد السنه كل مايطلع شهرها

عيضه الثبيتي

نجي لك يامحمد ولو فجبالك السود=ياطيب اللي ليا مد كفّه ماقصرها
مدام أن الك غايه مع عتيبه ومقصود=عيونك يامحمد يقدّيها نظرها

محمد المسعودي

تريَّح فالوطى للعسر ما أنته بمحمدود=ترى ماباقيً فالديار الاّ حجرها
تجنب ياثبيتي وكن الدرب مقعود=يامطيب راحة العين لا طوّل سهرها

عيضه الثبيتي

هذيل مسافره من عصر والدرب مسدود=ويمكن بالسلامة ماترجع من سفرها
والا يالشاعر اللي تقول القبر ملحود=ماياقع داخل الحفره الاّ من حفرها

ابشرك الديار اصبحن سهود ومهـود=نسيّر فالجزيره ونقطف مـن ثمرهـا
ارد عد الروى واعرف أن العد مارود=وأنا أعد السنه كل مايطلـع شهرهـا

عيضه الثبيتي

نجي لك يامحمد ولو فجبالك السـود=ياطيب اللي ليا مد كفّـه ماقصرهـا
مدام أن الك غايه مع عتيبه ومقصود=عيونـك يامحمـد يقدّيهـا نظرهـا