يافيصل اصمد وماضاقت فوجه القروم = شرواك لا كبرت الدعوات يشتالها
خابرك حر و على روس العوالي تحوم = والأوله من خلقك الله من إرجالها
ذيب ٍ ليا من نخوك القوم دايم تقوم = تاقف و وقفتك أنا شاهد على أفعالها
لا لا تضايق ولا تجعل همومك تدوم = من شان تقدر على خطتك وإكمالها
صحيح فالغربه العيشه تجيب الهموم = مير الشهاده لزوم تشد و تنالها
فكر لمستقبل ٍ يبني كبارالحلوم = والنفس ترتاح و العيشه تَحَلاّلها
ترى الشهاده تعزك يوم رفع الخشوم = يوم العرب بالمناصب شايفه حالها
تغنيك عن منة اللي ما يسد اللزوم = اللي ليا كبرت القالات ما طالها
لا جيت كل العرب لجلك تبيع وتسوم = وتقول وقع عقودك وامسك اشغالها
أقولها و أنت ما ناقصك عرف وعلوم = تعرف ظروف الحياه و كيف مدخالها
لا جاتك الضيقه وعيّت تصد و تشوم = ازهم عليّه و أنا بطفي إلك إشعالها

المشاركة الأصلية كتبت بواسطة خالد الرويسي (المشاركة 905585) ومـ،ن قال سالــــــم تحياتـــــــــــــــــــــــــــــــــــــــــــــ ـــــــــــــــــــــــــــــــي

المشاركة الأصلية كتبت بواسطة ابن صنهوت (المشاركة 905601) ترى الشهاده تعزك يوم رفع الخشـوم=يوم العرب بالمناصب شايفـه حالهـا تغنيك عن منة اللي ما يسـد اللـزوم=اللي ليا كبرت القـالات مـا طالهـا لاهنت صح السانك يالذيب

المشاركة الأصلية كتبت بواسطة بندر المرشدي (المشاركة 905754) عمر العتيبي صح لساااااااااانك حتى ترضى شاعر جزل

المشاركة الأصلية كتبت بواسطة ماجد المحياني (المشاركة 905848) صح لسانك ياعمر والله يوفقه ويرده بالسلامه