| سلطان المفرجى |
19-Aug-2009 10:16 PM |
مساجله شعريه
اليكم هذه المساجله بيني و بين ابن اخي عبد الله بن معيوف----------ارجو ان تنا ل اعجابكم
وقد بدا عبد الله بهذه الابيات
في ليل عنه نور البدر غايب= خفير الليل عنه الجدي نايب
دليل(ن) يمه الغادي تقدا = ليا جاله من الضيعه نشايب
جلست اخايله ماني بضايع= وان فكري دليل الحق صايب
غاية رغبتي فيه المسامر=بعد ما رحت في العربان لايب
ادور لي رفيقن في زماني=قوي الحيل في نوز الصعايب
ليا من لا عني لا يع نخيته= يسير لي من الفزعه كتايب
كما فزعت فهد لاخوان مريم=بعد ما التفت حبال المصايب
تزهل واحتزم بالجيش واقدم= وراح الخاين الغدار خايب
ولقيت الي بعد ما بان شعره = اعده ثامن السبع العجايب
هجوسه من عدود الشعر تغرف=لها تسعين قامه بالحسايب
يا عمي من صميم القلب تكفى = من الجوزانفح صلف الهبايب
مدامك شاعرن من صلب جدي= وقدرن منزلك روس النوايب
شكيت وسبت الشكوى غرامي= بعد ما هو نعشني بالهبايب
رماني في غياهيب المحبه=بدعج العين والشقر الذوايب
على وضح النقا سيرت حبي= ونقيته من علوم الشوايب
ولكن تالي ايامه تغير =وبحر الشوق في ليلاي رايب
تناحت عن مرابينا ضعونه= بلا عذر يبديه وسبايب
وعلى ثار الضعن قمت اتنشد=اضن القا من الاضعان سايب
يخبرني عن اعدودن نزلبه=ويشفي من معليقه عطايب
يا بو عبد الله كان الحا ل طيب = ترى من داخله ما هوب طايب
يا ابو عبد الله لا تذخر عليه=شاب الراس ولو ما كنت شايب
اما تبذل المجهود الاجلي = والاحط من فوقي نصايب
وقد رديت عليه بهذه البيات
عدد ما هب من قبله هبايب= بسحبٍ من حقوق المزن صايب
ليا هلت مزونه واستهلت= تفيض ابها الجبال مع الشعايب
وعدد ما تنبت ازهار الخزامى= في روضٍ هب ريحه بالاطايب
وعدد ما حلق الحر النداوي= بجو(ن) فيه هداتن خصايب
وعدد ما تكتب حروف القصيده=في مدح الشيخ ولا في الحبايب
هلا يا مرحبا بقاف نصاني=سمين القول ما شابه شوايب
من الي شاكين لوعة زمانه= وقلبه كن في وسطه لهايب
من المجمول وفراقه تعذب = سهير الليل وضلوعه حطايب
هلا بالشاعر الي لاتمثل = تجيه الشارده غصب وهايب
حداثة سن واشعار(ن) اطوع= من افكاره تروق الها اللبايب
يهيضني قصيده واستمخه= واعيد اله النظر والقى عجايب
لقيت اوزانها هي والقوافي= تناغم مثل لحنن به طرايب
ولقيت من الحكم والقول الاول= تسرب داخل بيوته سرايب
ولقيت من الجزاله ما يبدا= على بعض القصيد الي رسايب
قصيدن في زمنا شان سبكه= تبناه الكذوب وكل عايب
بعد ما كان موروثن يورث= ويعطا صاحبه قدر وحسايب
ضهر شعر(ن) يسمى بالحداثه= حداثة شعر شعار(ن) زلايب
وانا ماني بناس(ن) صلب قولك= ولوعة صاحب الشقر الذوايب
يا عبد الله لاتشكي يالبناخي= ترى الشكوى لغير الله ذهايب
لاتفرح حاسدك بفراق خللك=ترى الحساد تفرح بالمصايب
وان والله فلا اذخر عنك لله= بسوق المال والحال وركايب
|
