بديت بسم امنزل الكهف والفيل =الواحد المعبود علام الأحساس
وليابديت ابدا بزين الأقاويل= واخذ وافكر في تصانيف الأجناس
بتال يالمطنوخ جيب المعاميل= وهات الحطب واشعل لي النار بقباس
أشعل لنا يالقرم بالسمرتشعيل= أولم لي الدله قدم وقت الادماس
وزودلها التبهير من غالي الهيل =ومن العويدي حط لك شئ بقياس
حتى يجي للكيف ذوق ومقابيل= ويبعد خوى الاعماس ويركد الراس
خله يجي للشعر عندي مداهيل= ردن على اللي خصني جعل ماباس
الشعر إله مبداومعنى وتفصيل= إلياصار ماجاله وذا كل خناس
يامرحبا بالشاعر اللي كما اسهيل= شاعر حكيم ولامشا درب الاشراس
يمخاوي الهاجوس زبن المداخيل= أنت الذي سقت الطواريق بمراس
أمكمل ن معناك يالجزل تكميل= أوجمك رهاوي واكثر الخلق يباس
الوقت يابن اعمر شره مقابيل= وقت ن غثاه إخلى الناس تحتاس
خيره مقاصيرن وشره مقابيل= خلى الضعيف يمتلك قب الافراس
وحول طويل الباع ياهيه تحويل= لكن يبقا إكليب والقرم جساس
ماهسهم طول الزمن والدهاويل= وتاريخهم محفوظ مع ساير الناس
خلك طويل اذراع راعي تهاليل= وبين الرفاقه لاتجي ضمن الأنجاس
وفل الحجاج وكب ناس مهابيل= ناس دخل في جوفها كل وسواس
ومع ساير العربان شد المحابيل= لاتلتفت ياخوك للناس الادناس
وليالفوك إضيوف قلط لهم حيل= وعطهم سواليف النشاماعلى ساس
وانته تراك ابنعمة جعلها إطيل= أحمد ولي العرش جلاي الاوناس
غيرك تلاعبه ليال الغرابيل= وحواس عمره من بدا الوقت حواس
هذا كلام الصدق ماهوب تمثيل= قول مثبت مايبي درس كراس

المشاركة الأصلية كتبت بواسطة طلال ناشي (المشاركة 903876) صح ألسانـكـــ ياعبدالله قاف ساخن والموضوع حساس مبدع بدون مجامله سجل إعجابي من وجهت نظري المتواضعه وبدون تنقيص الوقت يابن اعمر هذا تهاويل أو ...... تهاويل لك ماشئت حتى لاتردف في البيت اللي بعده نفس الكلمه ونفس المعنى للفائده لا للفلسفه فقط تقبل مروري وتعليقي

المشاركة الأصلية كتبت بواسطة ابن سرحان الثبيتي (المشاركة 904062) خـلـك طـويـل اذراع راعــي تهـالـيـل وبين الرفاقه لاتجـي ضمـن الأنجـاس وفــل الحـجـاج وكــب نــاس مهابـيـل نـاس دخـل فـي جوفهـا كـل وســواس صح لسانك يالمرشدي صح لسانك قصيدة لها بصمة ننتظر تواجدك المقبل

المشاركة الأصلية كتبت بواسطة عمر العتيبي (المشاركة 904331) صح لسانك يا عبدالله قصيده جميله استمتعت بقرائتها ننتظر جديدك بشوق فلا تتأخر علينا كثيرا ً احترامي

المشاركة الأصلية كتبت بواسطة خالد الرويسي (المشاركة 904350) صح لسانك ولا هنت ع القصيده الحلوه