يامرحبا فبداية القول لو كان ماني من عتيبه= ابدى كلامي بالتراحيب يامرحبا فبداية القول
والله ماهو شي معقول يبقى لشعب الفرس هيبه= ان مات كسرى جاهم الريب هذا الصحيح وشي معقول

ياللي تعرف العلم لا حول .... لا بد ما تدفع ضريبه = ضيف(ن) ترحب بالمعازيب ... ياللي تعرف العلم لا حول
ترا بلاك عيونك الحول .... نظراتها دايم قريبه = تجهل مهدين الاصاعيب .... ترا بلاك عيونك الحول

يافاهمين العرض والطول ... سلطان قصدي مادري به = قالوا لنا رامي ولايصيب ... دايم يجيب العرض بالطول
نصف الجسم شفناه مشلول ... وان صار من جنسك طبيبه = النصف الاخر جايه العيب ... كفايه ان النصف مشلول

تعد نفسك رجل مسؤول ...... وتقول انا قايد كتيبه = ما طال راسك بالاكاذيب .... تراك ما انت بشخص مسؤول
يا مقيم(ن) عراف وزحول .... بالله قل وش تدعيبه = ما جالكم دور وتجاريب ..... حتى تقيم قوم(ن) زحول

كف الكرم مدت بعض نول ... نول ٍ لعلك تغتني به = بلاش من بعض الهناديب ... يكفيك ماحققت من نول
الا محمد لاش مرسول ... اللي تجيبونه نجيبه = والغيب لله عالم الغيب ... مابينكم للناس مرسول