هواجيس قلبي يابن شالح يجن جموع =يهلي بهن بالي على غير ميعادي
وحب الديـار وحـب أهــلـها يلوعــه لــوع=وأهديٌه يامحسن وربك هو الهادي
من ألي تباه النفس مافي الديار انجـوع=أدوج وأسلٌ النفس لكن ما فـادي
عسا المستوي للسيل في كل راس اسبوع=لين انه يزين ويخضر الحزم والوادي
ياجـعـلــه يعـلـه من انـزوع الـوسم انـزوعد=مداهيل وضح وشعلن أولاد واتلادي
إلي فيه صدقان ومعارف وفيه اربوع=رجالن نشامى من مشاكيل الاولادي
وانا يوم أكبه ما بلاي الضما والجوع=ولانـي بمن يزعـل اليا مـا لقا زادي
انا اتبع هوى شعلن اليا شفتهن ارتوع=تبعٌـد همومـي واتهنا بمقعـادي
حبايب وفيهن من طبوع الغرير طبوع=ابعد بهن هوجاس قلبي اليا زادي
اليا اوحن صوتي جن الفزوع فزوع =يعرفن ممشاي ومراحي ومعوادي
على صوت راعيهن ماهمنب صقه اسموع=ولو مانبي سب المجاهيم الاجوادي
منايح وفيهن من ارموع الجمال ارموع=وتصبح وتمسي ما قطع ثنوها الوادي
وعلى وجهها لين الشفايا تحب الكوع=ولا تلتفت لـو ترفع الصـوت وتنـادي
وترا مال أهلها في نهار الزحام اضلوع=اليا جا من الحكام واحد على المادي
ينومسك هنفن يابن شالح طويلت بوع=سطرها اليا طال المدا قام يزتادي
اليا منها راحت سوات الغيوم امزوع=ومشعل يباريها ووجه السعد بادي
سمو الأمير ألي يخل الصعايب طوع=ابونا واخونـا ظلنـا صـرح الامـجـادي
وحنا دروعـه يوم للطيبيـن ادروع=ومشعل سندنا يوم كلن له اسنادي

صح لسانه ومشكور على النقل ..

المشاركة الأصلية كتبت بواسطة أبونواف (المشاركة 903761) صح لسانه ومشكور على النقل ..

المشاركة الأصلية كتبت بواسطة جناب الود (المشاركة 904279) أنا الود... تشكر على النقل الموفق وشكرا" وتقبل مروري

المشاركة الأصلية كتبت بواسطة علوش بن محيا (المشاركة 904335) عبدالله بن علي شاعر ومعروف بالسبك والحرفيه العاليه بنظم الأبيات

المشاركة الأصلية كتبت بواسطة خالد الرويسي (المشاركة 904346) صح لسان الشاعر عبدالله السيحا ني اشكرك ع النقل المموفق