الهيـــــــــــــلا *** منتدى قبيلة عتيبة - يالله يالمعبود.. × تعليقاتكم وانتقاداتكم×

السلام عليكم
..

كيف حالكم يالربع ..؟

عندي ابيات متواضعه وابي تقييمكم من ناحية الوزن وغيره هل فيها كسور ..؟

والنقد البناء مطلوووب

بسم الله :

يالله يالمعبود ياخالق الكون .. ياواحدن كل البشر ترتجيله
يعالم بهموم ناس يصيحون.. تبري جروح القلب صارت عليله
صار الخوي ماعاد ينفع به العون .. وكلن يبي يحتال في كل حيله
الجار ماينشد عن الجار من دون .. الا يبي فرقاه باقرب وسيله
الناس طمعانه ولاعاد يعطون .. صار الفقير ضعيف محدن يشيله
المال يرفع ناس ماهم بيسوون ..والطيب للاجواد يبقى دليله
تكفون ياهل العرف بالله تكفون .. تجنبوا درب الهوى والرذيله
كم واحدن بأسبابهم صار مجنون .. شف النتايج عد كم الحصيله
صل الفرايض يوم غيرك يخلون .. والنفس من دون الفريضه ذليله
هذي هدية والعرب دوم يهدون .. أرزاقك اقبلها ولو هي قليله
صلوا على المحمود ياللي تصلون .. اعداد براق تلالا مخيله

وسلامتكم ..