ونتي ونة كسير ٍ طارحته إجروحه = ما وجد للجرح طب ولا لحاله حلّي
حالته خطره ولا هي فالورق مشروحه = وإن بقى في حالته يمكن يصيبه شلّي
يعني فالأمرين قالوا حالته مذبوحه = ماله ألا يدعي الخلاق وإله يصلّي
همه اللي فالحشا يبني عليه صروحه = كافئه وأعطاه بالضيقه لواء مظلّي
صاح بأقصى الصوت ثم عوّد صداه ونوحه = لين جر الصوت والونات جته تهلّي
صاحبي لو زل عندي زلته مدموحه = عادة الطيّب معا صاحبه دمح الزلّي
مير أبشره والتشرّه غايته ممدوحه = شرهة الغالي على غاليه تشفي غلّي
كان ماحسيت بالغلطه وهي مفضوحه = ويش أبين و الدلايل سجلّت فسجلّي
غلطتك يا صاحبي قدامنا مطروحه = منّها السيف المشوّك في حشايه سِلّي
لا تلوم القاف لا كثرّ عليك ببوحه = خله يعبر عن اللي فالحشا محتلّي
لا كتمها عنك قلي كيف تشفى روحه = كيف تشفى الروح يالغالي طلبتك قلّي
الخطيّه منك يا الغالي ترى مسموحه = مير أبوّضح وش اللي تل قلبي تلّي
والسوالف لو تردّت بيننا ممسوحه = ما إختلفنا وأنت في قلبي ترى متعلّي
كان عندك شي بصغي والأذن مفتوحه = هات ماعندك وأنا بدلي معاك بدلّي

المشاركة الأصلية كتبت بواسطة محمد بن رشيد (المشاركة 901681) الله الله الله مشرفنا . عمر العتيبي صح لسااااانك قاف وطرق رااائع وابداااع وتمكن سلمت اعجااابي بهكذا شعر

المشاركة الأصلية كتبت بواسطة مرزوق حمدان العتيبي (المشاركة 901959) .. . الله اكبر..... على الجزاله ... تجلى ابداعك في هذا النص وانهمر .... ياعمر ... فلله دركـــ ... اصدق الامنيات لك بالتوفيق .... ياغالي ....