عسى مبروك ياذيب المطيري يومهم اعطوك = بعد منته عضو عادي تبدّل اسمك بشاعر
وذا الحينه بقى لك خطوة ٍ ونقول لك مبروك = على تاج الذهب لوّك جهلت الصرف ياتاجر

تبارك لي علي اسمن مايزيد الارصده والبوك=صحيح ان البشر مايحكمون الا علي الظاهر
لك اللة لو يجوني في ذهبها لحذفه لخوك=انا مسلم وملبوس الذهب يصلح علي الكافر

تقوله وانت مبلش لك عرب لين انهم اهدوك = وانا اذكر دايم ٍ تردد عليهم ( ليمتى صابر )
هذا لبس الملوك اللي على وجه القصيد ملوك = يبا يقنعك وقتك كان في ذا اليوم او باكر

نسينا ماكلينا يوم تجار الذهب خلوك=ماغير اتقاشر العمده وابولمار والشاطر
ملوك الشعر فالنخبه ماتلبس لبست ام اوروك=تبا تضحك00علي اللي يعرف الربحان والخاسر

نسينا ماكلينا يوم لك ياذيب عشر صكوك = مافيه اسم ٍ ماشفتك به ماغير اتصيح وتناقر
انا والحمدلله لي رصيد ٍ معتبر فبنوك = لكن انته وش اللي معك فالماضي وبالحاضر !!

انا افجر فالقصايد لا لقيت الشاعر الصعلوك=وحكومتنا الرشيده ياعنزه ماترحم الفاجر
لو اكشف لك حسابي تكره الاسواق وانا بوك=ثلاث ابنوك تتبعني وبنكك يكسر الخاطر