ياخيال الصفراء تقدم قدمك (ا)وجيه الرجال=اللي تخلص جزت الميقاف شيء دونها!!
يبا يجـيك الفـال مــني عـقـبه يجــيك العقال=وأهل الوفاء لن قالو الكلمه يبا يوفونها!!

ياللي تصيح بصوتك المبحوح وتنادي تعال = جيتك وانا لي كلمة ٍ لا قلتها ما خونها
ان كان سال السيل يا رجال ما زاح الجبال = ما تحترك صم الجبال ولا تهز اركونها

لاتظلم الأجواد أنا ماصحت ياولد الحلال=وكلمتك ماوفيتها وكل العرب يوحونها!!
ترى الجـبال اللي خلقـه نهايتها الزوال=اليا أمـرهـا تزول تزول هـو مامـونها!!

اليا هرجت اهرج وانا ما قول قول ٍ ما يقال = والكلمه اللي في ضميري جبت لك مضمونها
ما فيه شي ٍ مكتمل دايم ولله الكمال = والناس يبن الناس ما به شي سد عيونها

قول الحقيقه ما يقارن بالجوب وبالسؤال=وفعول بعض الناس ماتبغا العرب يطرونها!!
ياليت بعض الناس ماجاله على غيره مجال=وعيون بعض الناس نار تصتلي يقلونها!!

الا على طاري فعول الناس نبدا بالجدال = الله يجنبك الذياب اللي تحد سنونها
قبل الامان يدب يوم الناس في وقت القتال = ويش الفعول الي طوال العمر ما تنسونها

مدامت أني ذيب يارجال أنا صعب المنال=ليت الفقارى تقــدراليـومه تسد أديونها!!
أفعولنا تشهد لنا نعزي جنوب وفالشمال=يوم المعارك فالحجــاز ونجـــد ماتعدونها!!