ياذيب عروا جاك ذيب عن هقاويك احتداك=احتل واديك المسمى بالمخاليب الحداد
شوف العيون اعطاك ناب وخاض بالثاني شواك= لكن من باب الزماله ناوي اعطيه الهجاد

لو منت غالي ياسعد لطّبق لسانك في جماك=هرجتك مثل النار تقبسها وتاليها رماد
من فضل ربي موتري ماشغله بالاشتراك=مقّضي لزومي كل ليله من بلاد اليا بلاد

انا مولم بندقي ياذيب ابا ارمي من رماك= يوم ان بندقك العزيزه رميها ماهو ركاد
انا احمد الله فالمواقف صلب مافي ارتباك= وابو طبيع اثره بطبعه ينظر العالم وكاد

بالله قلي وش حروف اسمه قبل لشّقر عصاك=ماهكذا نشري وندفع ياوزير الاقتصاد
ماجيت اجرب وقفتك جيتك علي هذا وذاك=ان كان ماعلمتني بدّبجك قدام العباد

انته فطين وتعرفه ياذيب ما والله خفاك= وترى المراوغ نعرفه ماقط فاد ولا استفاد
اثر الزمان الشين يالصاحب بمشعابه ولاك= لكن ياشين البليد ان قلت له علم يعاد

حسب اعتقادي كل شعار البلد في مستواك=واللي سواتك مايصيد ابندقه دايم يصاد
الوقت لو يقسا علي ماضيّع احقوقي معاك=من قو باسي شوف تعداد الضحايا بأزدياد

المشاركة الأصلية كتبت بواسطة ّديب عروا (المشاركة 900301) حسب اعتقادي كل شعار البلد في مستواك=واللي سواتك مايصيد ابندقه دايم يصاد الوقت لو يقسا علي ماضيّع احقوقي معاك=من قو باسي شوف تعداد الضحايا بأزدياد