سلام الله على عتيبه وانا واحد من العتبان = نعده عند راع العرف واهل الجود والطيبه
نبي عبدالله الاصعر يجي في ساحة الميدان = نبي ننشده عن مكه وعن جده وعن طيبه

هلا يامرحبا في مرحبا من خاطر نشطان=نيابه يالعتيبي من عتيبيٍ عن عتيبه
تعلّمني وابا اعلّمك يالمقدام ماتنهان=لكن انته عساك اللي تود العلم وتجيبه

يدوم الك البقاء ياللي تمثل ربعك الشجعان = وانا من فضل ربي مابديت بعلم واغويبه
يقولون الرجال إنك من اللي تطرد الضيفان = وقلت يجوز عبدالله يبى يجمع مكاسيبه

لو الله ساع طاحت يالعتيبي كفة الميزان=وضيعت الكلام اللي منوّل فيك محريبه
هذا ماهوب من طبعي وانا واحد من العضيان=رجال تكرم الضيف ولهم عز ولهم هيبه

ياعبدالله هداك الله تعوذ واخزي الشيطان = وهرج الصدق يانسل الحرار الشقر نحكيبه
تقوله والعرب قالت ترى حجه بلا برهان = تنقص قدر من قال الحجج وايضا مناديبه