ماعلينـا ,خلنـا مـن سيـرة الـعـذال=لا تكـدر خاطـرك واليـوم دار الـحـول
هل من مزن المحيـا مـا يسـر الحـال=الثوانـي لا تجـف و شوقـنـا مبـلـول
خلني بعلمـك عـن شاعـرك وش قـال=وانت خل عيونـك تفـل السهـر وتقـول
بكتبك ما عمّرت روحـي وعمـرك طـال=القلـم خيّـال فكـري والحـروف خيـول
من ملا عين القصيد وعلمـه يختـال !؟=من وصل بي ذروة الالهام صـوت و زول
عَدْ من عينـي لعينـي واكسـر الفنجـال=واقهر الليل و سـواده وانثـر المجـدول
في حضورك لا انحنى غصن الغرام ومـال=ودي أن الخلق عميـا والزمـن مشلـول
كم لها روحي دهر , تروى سراب الـلال=وانت طيحت الحيا من يوم جيـت سيـول
في بحر حسنك غرقت ولا طرى لي جال !=ليه ما اغرق فيك يابحـر الـدرر واللـول
طلتك , والشمس تلقى في هدبـك ظـلال=والقمر لو يشبهك , ما غازلك مذهـول !
ضحكتك , ترسم صباح اول شهـر شـوال=ضيقتك , تكتب للأرض تعيش خمس فصول
قبلتـك , كـل الجهـات لقبلتـك تحتـال=همستك , كل اخر حروفك يجي : "مشغول"
رقتك , والنسمة تحن و تضـم الشـال !=مشيتك , والقاع مبصر والخطاوي حوول !
اسمك , وتتعب على طاريـه هيبـة "آل"=رسمك , و وجه المرايا يلمحـه و يـزول
فيك ماجـاوز حـدود العقـل فـالعقّـال=فيك مافوق الخيال اصدق مـن المعقـول
كل سيـرة عشـق فيهـا ينقتـل رجـال=وانت سيرة عشق فيها حزنـي المقتـول
لا عدمت رضاك وانت رضاك راحـة بـال=ازرع جروحك هنيّا , وازهـل المحصـول
وان تجرا الدمع في عينـك نهـار وسـال=لك عليّـه ماتبـات و محجـرك مبلـول
كل عام و حبنـا طيـب وباحسـن حـال=كـل عـام و كلنـا لقلوبنـا بنـقـول :
الجفـا والبعـد والوقفـة علـى الاطـلال=الثلاث اللي عليها الصبر مـا مـن طـول