سر يـاقلم واكتب حروف الخـطـابــا = واختار جزلات البيوت الــعـذابـــي
عبر عن اللـي فالحشا مـن عـذابــــا = هــاجــوس عـنـانـي وزاد التـهــابـــي
جـاني كــتاب ومـرحــبا بالكــتابــــا = مـن عــنـد حـــرٍ حـالـته في ذهــابـي
يا نايف ابشر ما تضـيق الرحـابـــــا = لأجــلك يابـو نادر تـــهـون الصـعـابـي
دونـك نضحي بالذهب والرقـابــــا = لا تـشتــكي ضيـم الـزمـان وتـــهــابي
عزوتـك لا كشر مـن الوقت نـابـــــا = حـنـا عـضــودك شيـبـنا مع شبـايــي
هات الجـواز وهـات بدلــه وكـابــــا = ما انـتـه بـحـاجـه في ثـقـيل الحـزابي
نـحجز على اللي لاركـبـنا طـرابــــا = ركــوبــها مــا فــيــه هـم وعــذابـــي
تصمـيمـها كـامـل ومـابـه عــيــابــــــا = ومـجــوديـن الفـحـص حـمر العلابي
مـجهـزه عـن كل عيـب وخــرابــــــا = طيـارهـا رأســه مــن العــلم شـابي
لاشيك الرحـله وشـافــه قـطــابـــــا = زوع بـها تـــــزويـع فـــرخ العــقــابـــي
لاشغـل النـفـاث وارخـى الفـلابـــــا = بلـمـح البـصـر في عـالي الجـو غابــي
بـين الكواكب والقـمـر والضبــابـــــا = بينه وبين الارض سحـب وضبـابـي
يسري على الخـطه بشاشه ومابــا = يعرف هبوطـه وايـن ماهـوب غابـــي
سـاعـة زمـن للــي متيـم صبــابــــا = يروي عطش روحـه بـحـلو الرغـابـي
ولـيـا وصـلنـا بـأمـر رب الكــتابـــا = ربٍ كــفـل عـبـده بـــزاد وشــرابـــــي
خلـك علـى مركـاك حضرة جنابـا = تـأمـر وتـنـهـى والسـوالـف عـــجــابــي
في مـجــلسٍ مـا فيـه لـجـة طــلابـــــا = لاطـابـت الـخـطــر تــرى الـجـو طـابـي

المشاركة الأصلية كتبت بواسطة عبدالرحمن الهيلوم (المشاركة 898543) صح الساااااااااااانك والسان ////نايف الجعيد وابيض وجه ياالذيب

المشاركة الأصلية كتبت بواسطة الـوفـا طـبـعـي (المشاركة 898863) صح الله السانك يامتعب اخوك البريماني

المشاركة الأصلية كتبت بواسطة الامير حريبيش (المشاركة 899567) الاخ متعب صح لسانك انشالله انك علي خطى الوالد المرحوم قصيده جزله الله يحفظك

المشاركة الأصلية كتبت بواسطة محمد العتيبي (المشاركة 899595) مشكووووووور يالغاااااااااالي ماااااااقصرت ..