سلام الله سلامن يطرب الحضار والجمهور = عدد مالاح براق المزون وحن رعاده
نبى تاجر يطب السوق لارابي ولا مغرور = يسوم ويشتري بالكاش في حله وميعاده

هلا يامرحبا ترحيتن تعطي علي المقدور=عدد من ينقل البندق ورا الموصل وبغداده
تواجهنا ولكن ياترا من ياكل الخابور=وانا بالحق علي غايت مرامي واحكم الساده

يدوم الك العمر يالي تهلي ياولد ماجور = عسى ربي يبيحك جاك جلادن بمجلاده
انا ياذيب عروى يوم شفتك خاطري مسرور = على هونك ترى نفسك لدرب الموت منقاده

علي ماسمع من العتبان لاسالم ولا مكسور=اشوفك قمت تشعلها علينا ماهيب عاده
كلام الليل يالحافي يضيع اليا محاه النور=تبا تعرف حسابك لا خطا العداد عداده

هذا بيت العتيبي للطراقي ماقعد مهجور = يجيه الضيف يلقى البن من عقبه شهاده
وترى منت بعلى بعض السوالف ياهذا مجبور=يامخبل من يحط ابليس في حلقه قلاده

تراني من هل الحله ولا ارحم من يهدم السور=عساك اتقوم فاللازم وتذبح كل حساده
لقينا فالبلد ناسن وظيفتها تحفر اقبور=وجيه امعبسه واصدور مثل النار وقّاده