مرحبا والشعر له مبدا وبه فن وجداره=غير وين اللي يخاويني على ورك المطيه
لكن ان ضل الطريق وجاه ميله ونحداره=والله اني غير اضحي به قبل عيد الضحيه

مرحبابك يامرحب والسلام احلى عباره = ونتبه من ضلع سلماء لايوقع في مطيه
الدروب طوال وحذر من طواريق الخساره = الهنوف الي تباها ماتجي مدت هديه

البقا والحر يفهمها من اطراف الاشاره=كلمة لو قلتها ماهي على العالم خفيه
الهنوف اللي ربت في كل بيت وكل حاره=سافرت يم الشمال وغادرة نجد العذيه

كثرو العشاق كلن وده اب معشوق ساره = وصبحو في بحرها مابين شمس وبين فيه
ياولد سالم نظام السوق وفنون التجاره = روحة مع ناس راحو في مراويح المنيه

النمور اللي بوسط الغاب من نسل النماره=ليه تشكي من هبوبٍ بارده والنار حيه
ومن تعلم من مخاوات الصقاقير الصقاره=كيف يقدر وانت يابن الناس مالك مقدريه