اول مانبدا الهرج واخير مبداه= ذكر الله الي كل شيٍ ينوله
الي خلق ادم بحسنه وسواه=واشتق حواء منه زوجه بتوله
رب فرقنا باحسن الخلق واسماه=ثم ميز الرجال باصل الفحوله
لكن جيل اليوم ياناس وش جاهـ=حاله تغير واختلف في دلوله
تلقى الولد من يوم ينشا ومنشاه=ياخذ من اطباع النسا له عموله
من مفرق الغره ليا حد ما طاه=متشبهن بالبنت عرضه وطوله
ثوبٍ مخصًر يبرز الجسم بخطاه= وليا هرج قلت (اهـ) وش هالخجوله
ومحمر الشفه وعلكه وسط فاه=ويتابع الموضات في كل دوله
ولو تندبه يا فلان ما اسقاك من ماه=طافي عزوم ونار ماله رجوله
ولو سرًح بعنزين جنك بلياه= وعزتي لاهله وكل الحموله
الله على الي لاهرج هرجه جناه=قرمٍ على الطالات نفسه عجوله
يعجبك في قوله ويشفيك ممشاه=وتبين في صعب المواقف فعوله
وافي طويل ذراع اله عزوه وجاه=ياخذ مع الطالات صوله وجوله
الطيب صعب وكل حيٍ تمناه=لكن ما كل الاوادم تطوله
وختام قولي مثل ما قلت باعلاه= ذكر الله المعبود منجي رسوله ]

المشاركة الأصلية كتبت بواسطة محمد العتيبي (المشاركة 897825) صح لسااااااااانك ياسلطاااان .. مبدع .. تحيتي لك ..