الله يرحم راعي الطيب والجود=ابو فهد صعب(ن) علينا بفرقاه
مشهود له بالطيب والفعل مشهود=يمناه تعطي محد يحصي عطاياه
ولامن بغيته فالمهمات موجود=يسد في لازمك من حيث تبغاه
والنعم دايم في لسانه علي زود=عنده جميع الناس نعم المساواه
ولامن هرج مافيه نقصن ومنقود=ذيبن ليا منه عوا بين عواه
يالله ماغيرك نعبده ومعبود=انت الوحيد اللي علي الكون نرجاه
تجعله في قبره مبرد ومبرود=في جنة الفردوس يارب تجزاه
العيد كنت امر واعيد العود=وهذا السنه ياعيد عيدك كرهناه
الموت حق ولاعن الموت مطرود=يالله دخيلك بول العمر وتلاه
وختامها نبكيك ياراعي الجود=شيخن يفوح الطيب من عظم يمناه

صح لسان الشاعر ومشكور على النقل ..