أحسن الله عزاكم فالامير النخيش= ابن زايد محمد طيب الله ثراه
ليت مثله يعيش العمر وأيضا ً يعيش= عمر(ن ) آخر لنتهى ذاك الآخر بداه
حكمة الله الي ما معه قول ليش = مومنين بقضاه وخيرته ما أبتغاه
يبكي غياب رآسه نهاضين العريش = والمناصيب وأهل المعرفة والقضاه
وكل منسوب أمن وكل منسوب جيش = وكل من واجه محمد ضحى ً من حياه
وكل رآس ٍ يفز اليا نخيته ويشيش = وكل من أقفى وخلا له معاريف (ن ) علاه
ويش ماقول ولا فيه ابقول ويش = واحد(ن) من عنا له بأي حاجه لقاه
جعل مسناد رآسه قطن جنة وريش = وجعل قبره هواء الجنة يذعذع علاه
والاوادم توصي والمكارم تعيش = والعوض في الصقور اللي ذخرها وراه
كل منهم نخيش يسد دون نخيش = وكل منهم حل منهم حلي(ن) له وفي مستواه