يا حبيبي جيت غالي وان بغيت تروح غالي = لاتحاتي في غيابك دمعت العين الوفية
حاسب حساب الفراق وعارفن طبع الليالي = لو صفتلي يا حبيبي لازم تكدر عليه
الوكاد ان المحبة والغلا ياهملالي = قام يجري مثل دمي في العروق الداخليه
استباح القلب كله مارحم حالي ومالي = كل يوم اروح واشري من علاج الصيدليه
فوق هذا لايهمك يا الحبيب ولا تبالي = المقدر مايرده لا يديك ولا يديه
روح للي ملكوك اياه واتركني لحالي = من بداية معرفتنا عارفك منته بليه
قال تتعب قلت عادي وان جرالك ما جرالي = التعب مخلوف والذمه من الذمه بريه
قال طعني قلت روّح لاتحاتي يا حلالي = الصبر حنا هله والدمع ماقرب طميه
يوم راح وحلت الفرقا تغير كل حالي = ماهقيت ان الفراق يحطم النفس القويه
ابتليت الخد بدموعن مثل وبل الخيالي = المناديل غرقت والدمع الازرق بان فيه
وين قادح وين قادح وين حماي التوالي = علموه اني وقعت ولاحدن سما عليه
انت سيف ثبيت حلفي حلف ابوي وحلف خالي = لاتجيني عندك المزيون مردوع الشفيه
صلها في ديرته واستملك القطر الشمالي = وامنع التجوال وذبح كل داب وكل حيه
لاتصالح لو يجيك الشيخ واصحاب المعالي = لين يركع شوقها ويرد لي صافي الثنيه
وان خضع للامر خله واكرم كرام السبالي = لاتخليها تولع مثل كون الحشوريه
خابرك لاششت ماتعرف حرام ولا حلالي = ماتحول عن ضهرها لين تذبح 600
وان لقيت القوم عيوّ واجمعو كل الرجالي = الله الله لاتخلي كل شيخ وكل عيه