الساحه اللي قسمت عشرة اقسام=ما عاد فيها بعد هذي غنيمه
ويش النوايا يا مثورت الألغام=ماهو كذا يكسب غريمٍ غريمه

اصبر وتقنعك الليالي والايام = والحق واضح للعقول الفهيمه
كم واحد (ن) صلى ولكن ماصام= يومي براسه مثل راس البهيمه

ماهو كذا تورد مفاريد وجهام=الله ولا قرب العقول العقيمة
يكتب كذا والناس قدام قدام=بالسب والا المهزله والظليمه

العاقل اللي ماطمع مال الايتام = وان كان خاصم ماتحاقر خصيمه
قطع الرقاب وللقطيعه بالارحام = والظلم ظلمه يالقلوب السليمه

ودك على الظالم يحكمون الاعدام=ويبعد عن اهل العز واهل الحشيمه
وان ما حصل خلك على الدرب مقدام=اسرج احصانك واكرب اشداد ريمه

المشاركة الأصلية كتبت بواسطة خوي السعد (المشاركة 894026) نصلي ياصالح ولنا عوده ان شاء الله