الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعراء قبيلة عتيبة (http://www.otaibah.net/m/forumdisplay.php?f=46)
-   -   ياحبيبي والله انّي علـى شوفـك هلـوع::"::لا تحمّلنـي ثقـال الهـمـوم و خِفّـهـا (http://www.otaibah.net/m/showthread.php?t=94739)

آلاد غنـــام 28-Jul-2009 09:27 AM

ياحبيبي والله انّي علـى شوفـك هلـوع::"::لا تحمّلنـي ثقـال الهـمـوم و خِفّـهـا
 
ياحبيبي والله انّي علـى شوفـك هلـوع=لا تحمّلنـي ثقـال الهـمـوم و خِفّـهـا
انت روحي لك .. عروس ٍ تزيّن بالـرّدوع=ماتشـوم .. الاّ لعيـن ٍ غلاهـا زفّـهـا
شوقها يقتاد نفسي معك غصب ٍ و طـوع=والله انّـه كـنّـه ايحفّـنـي و يحفّـهـا
القلوب الخضر مابين عوجـان الضلـوع=كل مـا هبّـت عليهـا الهبـوب ترفّهـا
والدموع اتزيد الاوجاع وابـن آدم جـزوع=غطّهـا بجفونـك النّاعسـات و غَفّـهـا
قبل لاتفزع علـى خـدّك النّاعـم فـزوع=شيلهـا بكفوفـك النّاعـمـات و كِفّـهـا
لا تباطى جيّتـي و الوعـد يـوم الرّبـوع=لم عفش اهمومـك المركمـات و ظفّهـا
السّنه مثل الشّهر و الشّهر مثل السّبـوع=واللّيالـي تـطـوي أيّامـهـا و تلفّـهـا
لا تفكّر في مجيّي و فكّـر فـي الرّجـوع=يـوم يمنـاك الكريمـه يـلـوّح كَفّـهـا
ميـر قـدّام المـوادع وتسبيـل الدمـوع=من صقيـع البـرد ذر الظلـوع و دَفّهـا
عطني من الحب من كل شكل و كل نـوع=مثل ما اوفي لك وعودي و عـودك وفّهـا
إحشد إصفوف المشاعر على بابي جمـوع=لا تفرّقهـا علـيّـه و وحّــد صَفّـهـا
خلّني من حبّك أشبع قبل لا امـوت جـوع=وأكرم النفـس الشقيّـه و حقـقّ شَفّهـا
جيت لك و الصّدر مقباس و ظلوعي شموع=شبّهـا مـن نـار الاشـواق و الا طَفّهـا

الشاعر / رحيم الغنامي

عبدالرحمن الهيلوم 28-Jul-2009 10:42 AM

صح السانك والسااااااااااااااااااانه يالغالي


الساعة الآن »04:44 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd