الله و اكبـر تطـوّرت و كبـر مستـواك=واصبحت شاعـر كبيـر وناقـد الله لنـا
العـام كنّـا نمـرّك مـا نسلّـم عـلاك=ولا اذكر انك تشرّفـت و جلسـت إمْعَنـا
واليوم ماعاد باقـي غيـر نطـرد وراك=ونقـول لازم تقهـوا القابلـه عنـدنـا
وانت الحقيقـه فقيـر وقاصـراتٍ يـداك=ولا لك مع اهل الوفا و الطيب سيف و قنا
اشوف صار الك ماشاء الله نظام اشتراك=في بثّ الاعلام مع نوره و نوف و رنـا
رزّوك واصبحت رومنسي و حلو ٍ نبـاك=وعنّيت عندك جماهيـرك ياليـل العنـا
وانكرت ابوك وجماعتك و جميع اخوياك=آثرك ضنوة خسـاره نعنبـو ذا الضنـا
ان كان غرّك قصيـدك بيـن هـذا وذاك=اللي بنا ما هدم و اللـي هـدم مـا بنـا
ترى قصيدك وصنفه مثل صنـف البـلاك=نوعه محرّم وحكمه مثـل حكـم الزنـا
يعني على شان ما ازعلّك واقلع مـداك=مافيـه داعـي تخرّبهـا و تبلـش بنـا
انـا ترانـي هـذا لا تحسبنـي هــذاك=هـذاك ماهـوب انـا والله وهـذاه انـا
مدري تبانـي هنـا والا تبانـي هنـاك=والا تباني علـى شانـك هنـاك و هنـا
ان كان في نفسك انك شاعـرٍ ماسـواك=تـراك لا شـيّ بالنسبـه لنـا كلّـنـا
من غّرته نفسه ودنيـاه شـاف الهـلاك=يابـن آدم اخـر حياتـك كلهـا للفـنـا
ان كان حققت مطلوبك و غايـة منـاك=لا بد تثنـي علـى ربّـك جزيـل الثنـا
مار اشكر الواحد المعطي على ماعطـاك=تراك عن ربـك المعبـود مالـك غنـا