الهيـــــــــــــلا *** منتدى قبيلة عتيبة
صفحة 1 من 3 1 23
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   محاورة علي فلاح العضياني مع زيد العضيله ( حصريه وكامله ) ! (http://www.otaibah.net/m/showthread.php?t=94683)

الــوآفــي 27-Jul-2009 03:24 PM
محاورة علي فلاح العضياني مع زيد العضيله ( حصريه وكامله ) !
 
استكمالاً لموضوع سابق عن المحاوله التي جرت بين شاعر الهيلا علي فلاح العضياني والشاعر المعروف زين بن سلمي


نضع المحاوره التي جرت بيد ايديكم ونقول صح لسان شاعرنا الشاب في بدايته الناريه ولسان الشاعر المخضرم العضيله



علي فلاح


يا هلا يا مرحبا في محلاّت الحروب =الرجال اللي كبار الهقاوي قدّها
من عتيبيٍ ليا قام فالدعوى ينوب=عن شبابه في مواقيفها و يسدّها



زيد العضيله


البقا بك يا شبابي و ما قلت محسوب=باسم خنذف عزوةٍ ما يقرّب حدّها
يا عتيبه يا احددانا نظيفين القلوب =الرجال اهل الوفا ما تبيّح سدّها





علي فلاح العضياني


الدليله لن سرى ما تضيق به الدروب = الدروب يدلها و العلوم يعدّها
تعرف عتيبه نهار الملاقا و الحروب=و تعرف سيوفٍ صقيـــــله رهيفٍ حدّها




زيد العضيله





كل ليل اشوف لي وجه هبّي يا هبوب=وانت راعي للوازم و كفو و قدّها
و الله و نعمين و الناس غالب و مغلوب=مار حنّا من نصتنا وطينا خدّها


علي فلاح العضياني




و انت تذكر فالشمال و تذكّر فالجنوب=العلوم الطيبه مدّها و امتدّها
يوم نار الحرب بين العرب دايم شبوب=كم خصومٍ يالمطيري لعنّا جدّها




زيد العضيله





لا تلوم الذيب دايم مع الديره يجوب= وان لقى بعض الذواهب رثع في بدّها
في زمانٍ فات نسمعك و صياحك طنوب=و ان خذيت من العرب ذاهبه ترتدها




علي فلاح العضياني



انت ذيبٍ كل ليله يلوب الدار لوب= فوقك ذياب الجبال السنون تحدها
تعرف العتبان ما قطّ ولّو بالهروب= تدحم المطران عن دارها و تحدّها



زيد العضيله


لا تجي للذيب و يتوّبك حتى تتوب=احفظ اللي قلت لك ثم بكره ودها
الفعول الاوله ما يسولفها كذوب = مار دوّر لك صدوقٍ يجي و يعدها




علي فلاح العضياني




انت شايب فيك ما ودّي اكسب لي ذنوب=ثم تزبن خنذف و تدّرق في سدها
للحقيقه شمس و النور ما هوب محجوب=ننزل ديار المطيري و نشرب عدّها





زيد العضيله





شايبٍ شيّب و لا مرّ بيبان العيوب =و انت اظنّك من عرب مدّ يدك و شدّها
المطيري منه دمّك ليا شفته يروب=كل ما سوّيت حاجه يجيك بضدّها





علي فلاح العضياني

دوب زان اللعب يا صاحبي و الليل دوب=كل ما تبني بيوتك عليك نهدّها
بالمعاني لو نلبّسك يا رجال ثوب=رحت تمزح و النشاما معك من جدّها



زيد العضيله






يا رحاتي دوّري و اطحني باق الحبوب=العرب باقي لها حاجةٍ لابدّها
قلت لك قصّر كلامك و جت هرجة سحوب=كان عندك شوشةٍ تستحقّ اكدها



صح لسان الشاعرين


وكل التحيه لكم

سلطان بن دحيم 27-Jul-2009 03:33 PM
صح لسان شاعر الهيلا

وصح لسان العضيله


بيض الله وجهك على النقل


تحياتي

ناصر حامد الثبيتي 27-Jul-2009 04:24 PM
صح لسان على فلاح العضياني وصح لسان زيد بن سلمي العضيله وابدعوا ووفوا الجزاله حقها وزود

محمد بن غازي 27-Jul-2009 06:26 PM
تسلم يابو وافي على المتابعه ... وصح لسان شاعرنا الكبير/ علي بن فلاح ...

سلطان بن ثعلي 27-Jul-2009 06:38 PM
ذيبان

بيض الله وجهك يالغالي


وصح والله لسان شاعر الهيلا ولسان زيد


وبيض الله وجهه عز الله انه قدها

وكفوا والله يا ابو فلاح

لكم تحياتي

سلطان الجـذع 27-Jul-2009 10:29 PM
,,,
الله الله الله :) ....

ابداع غير مستغرب من شاعرنا المبدع ابو فلاح والعلم ابو ممدوح ,,,,

ألف شكر ياذبيان وعز الله انك على اسمك ,,, ذيبان :)

@ـايل 27-Jul-2009 10:40 PM
ياسلاااااااااااام ...

بكل ثقه شاعرنا فلاح ..كأنه في ساحات الملعبه له 30 سنه

صح لسانه هو والعملاق زيد العضيله ..

ولاهنت ياذيبان ووفيت بوعدك وكفيت ..

ومنتظرين عرضها على القناة ..

.......

ابو براك 27-Jul-2009 11:51 PM
صح لسان الشاعرين

ولاهنت

عمر الدغيلبي 28-Jul-2009 02:41 AM
الله يبيض وجهك يا ذيبان

وصح لسان شاعر الهيلا علي فلاح العضياني

شاعر فحل والله يوفقه ونشوف له ظهور إعلامي مكثف في المستقبل

وصح لسان زيد العضيله شاعر كبير مايحتاج شهاده

فايز بن سرحان الثبيتي 28-Jul-2009 06:34 PM
يوم نار الحرب بين العرب دايم شبوب
كم خصـومٍ يالمطيـري لعنّـا جدّهـا


الله الله يابو فلاح شاعر يعانق الافق


بيض الله وجهه وصح لسانه ولسان قبيله



والشكر لاخينا ذيبات


على نقل المحاورة


الساعة الآن »08:41 AM.
صفحة 1 من 3 1 23
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd