يا حيرتي سجّي قِـدمك اليميني= ولا ترقبي نجم (ن) توانى لمطلاع
كل النجوم نجوم ونجمك ثميني= نجمك بدر بالدّر يشرى ولايباع
نجمك اليا شعشع بنوره يبيني = سحر جمال الكون كله اليا القاع
يا حيرتي قلبك كواه الحنيني = ويشب ناره في ظلوعك ولاماع
من عقب ماله في الثواني دنيني= اليوم نبضه نوج ساع بعد ساع
ياحيرتي حالك يبي من يعيني= ياخذ يداه ويرحمه من توجاع
خطرن عليه أن زاد همه يشيني= ولا زاد همه غير حب وتولاع
يا حيرتي ماعاد ينفع كنيني = صيحي لنجمك كود يرخي لك اسماع
أظن من مرقاه ينزل يجيني = وأفتح له أبواب الصدر فج الاوساع
ويزين حال(ن) بعد مر(ن) يزيني = ويذل حال مدوره كل مطماع
وأن خاب ظني وما سمع للإنيني = تبي تزيد أوجاعي أوجاع وواجاع
ياحيرتي وش علم نجمك عطيني = أبي علومن أرتجي منها الاسناع

صح لسانك ..

المشاركة الأصلية كتبت بواسطة عبدالرحمن الهيلوم (المشاركة 892756) صح السانك يابن عاصم والله ومليار نعم بقطمان المحازم فديتهم طاب يومك دمت بود