مرحبا باللي عزمناه وحضر في حفل ناصر = عد مايبد الهلال وعد ماهب البرادي
مرحبا باهل الجله واهل الرياض وبهل ساجر = مرحبا بضيوفنا اللي شوفهم مثل العيادي
مرحبا ترحيبة ٍ تطغى على كل المنابر = بالرجال اللي لهم قدر ومعزه بالفؤادي
ربعنا اللي في فعايلهم مع الناس انتفاخر= كاسبين الاوله يوم الملاقا والطرادي
من يعاندنا يعود باخر المشوار خاسر = يشهد لنا الرمح والسيف المحنا والهنادي
يشهدون إلنا سبيع اهل الاصايل والجحادر= ما ادعينا قول زور ولا ذكرنا الا الوكادي
لابتي يالاد منعر طيبكم شاهر وظاهر = سجل التاريخ وانذاع الخبر في كل نادي
عادة عتيبه وفي كل القبايل ماش قاصر = كلبونا اخوان دام الله عزك يابلادي
كلنا تحت امر ابو متعب نعم حاضر بحاضر = فدوة ٍ للدين وتراب الوطن ضد الاعادي