ينظمون الشعر من هيض والا غيض=يا هجوسي طرالـي واحـدٍ غالـي
صورته في خيالي ما تبا تحميـض=ما تفارق خيالـي دوم فـي بالـي
فارقٍ في جماله عن جميع البيـض=يستحق القصيـد وبـدع الامثالـي
لو اعوض بغيره مقبـل التعويـض=علمـو كـل عدوانـي وعـذالـي
العسل لا يحطونه سـوات البيـض=قيمة البيض بخسه والعسـل غالـي
كل عاشق لحاله مدرسـة تحفيـض=عنده ادروس عشق انواع واشكالـي
اثر نار الغلا اقوى من لهيب القيض=ولعت فـي ضميـري والله الوالـي
من يصيبه مرض يحتاج للتمريـض=وانت شوفك علاجي يا بعـد حالـي
كان قلبك مسـوّن للغـلا تخفيـض=راح جهدي وحبي لك على الخالـي
بس امانتك لا تسمع هل التحريـض=يخلفونـك علـي ومنزلـك عالـي