بالله يالي منتوين السفر تو=ودو بيوتن ساقها الفكر توه
للعارف الي طلته تشبه النو=الي فقدنا نور برقه ونوه
مدري بقا في الأرض ولا مع الجو= ولا مع اشباه الظبى زان جوه
اذكره لامنا اجتمعنا على الضو= الضو يذكرني سماحه وضوه
له مجلسن محشوم عن كلمة السو=وله فزعتن في الأمر خيره وسوه
لا شان وجه الدهر ثم قاله سو=يقول سو الي تسويه سوه
من ساس ناسن للمعالي تعلو=رجم المعالي عالين في علوه
ولاهوب يوقفها على الليت والو= تنجز قبل عله وليته ولوه
وبعض العرب مظهر مثل صورة البو=مبناه عن خافي ضميره يبوه