لميت عيدان السهر من وجدي = وشبيت في وجه الظلام وظهره
تبختري لاياخلايف جدي =ترى البنات كبودهن منقهره
مري عليهن بالحرير الوردي =اكلي على الحلوات جو السهره
امشي دلال ولاوقفتي لدي = قولي يبه باسمك كسبت الشهره
تاجك غلاي وقطعةٍ من كبدي = يارقة الريم وشموخ المهره
الليل في عينك وقف متحدي =وفي خدك نجوم السما منصهره
السكر بحمرة شفاك مندي =ومع ريحة انفاسك تفوح الزهره
يأم البراأه والشعور الودي = في سر سلطان القصيد وجهره
عذري ياديما لاوصلت لحدي =انك مثل غيث السحاب وطهره
واني ليا باح الحنان بسدي =رقت عصافير الهوى منبهره