يامل قلبٍ مسرفٍ فالهـوى سـرف=وانا معاد ادري معه ويـش اسـوي
نهيتـه وقلـت التقاليـد والعـرف=قال انتبـه تـراك عكّـرت جـوي
انا شباب وشب فيّه هـوى التـرف=توّي لزمـت بدايـة الخـط تـوّي
ابا ابدع الأمثال في ناعس الطـرف=اللي سمـوّه قطعـةٍ مـن سمـوّي
ابداية اسمه عين ونهايتـه حـرف=راء بعد حـرفٍ بالنقـاط متكـوي
هو ظرفي الطاري ويسعدني الظرف=لوكان وقعه في ضميـري مـدوي
رد القدم لاتنحدربي مـع الجـرف=من طيبه وردات حـض المغـوي
هذاك يمنع حب غيره من الصـرف=اهو الوحيـد اللـي لحبـه مقـوي
والحب نهر ومن يبي يغترف غرف=كـلٍ يـرد لوكـان عـود متثـوي
وتبون هرجٍ محترم قيل عن عرف=يطلق علـى راع المحبـه مهـوي