مراسله بين الشاعرين عياد الغنامي وبنيدر بن مدوخ الغنامي

بلّله يامرسول دونك خطابي=عطه خطابي من يمينك ليمناه
الصاحب اللي طال عني الغيابي=اليا نسانا بالبطاء مانسيناه
وده لبو ناصر عزيز الجنابي=يجيك صيته فالبلد قبل تلقاه
خسّار كيفٍ للدلال العذابي=ومفطحٍ للضيف مابه مداراه
ابطا علينا مالفاله جوابي=وهو منول صوغته لي مهداه
ثم سايله هو شاب والا شبابي=بالله يامرسول وش لون سبلاه
أن كان غزله مثل غزل الرقابي=يبوه التوصيف من قل حلياه

بعد سنتينٍ بالوفاء والحسابي=جاني خبر حيٍ شفاء نجد مرباه
خطٍ سيوفه كنهن الحرابي=قعد الي مقدار ساعه وانا اقراه
غدابي الهوجاس مع كل بابي=ياما وياما جاب فكري ووداه
عياد لا جاله عليه مدابي=مغار أخويه وأعرف أقصاه وادناه
مراجله مادسها فالزهابي=وقت المواجيب الرياجيل تنصاه
ابا اتحمل زلته كان تابي=وان عادها عشيته العنز والشاه
انا على هقوتك كان تهقابي=والشيب مالي حيلةٍ فيه ممحاه
ومن طال عمره شاب كود الغرابي=سوات جنحانه من الجم مسقاه
والخاتمه يوم أخر القاف شابي=سلامنا بأول كلامي وبتلاه