الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى أخبار القبيلة (http://www.otaibah.net/m/forumdisplay.php?f=74)
-   -   زيارة الشاعر حبيب العازمي لقبيلة السوطه (http://www.otaibah.net/m/showthread.php?t=94316)

ابو فايح 21-Jul-2009 07:38 PM

زيارة الشاعر حبيب العازمي لقبيلة السوطه
 
في ليلة من اجمل ليالي الصيف استضافت قبيلة السوطه ليلة البارحه

الشاعر حبيب العازمي ومشائخ واعيان قبيلة العوازم ومن جاء معهم من مشائخ القبائل الاخرى

بعد ان قامت قبيلة السوطه بزيارة حبيب العازمي الشهر الماضي لانهاء ماحصل من سؤء فهم على خلفية نقل قناة الساحه لحفل السوطه وتجاهلها لكلمة المرقاب وهدية الشاعر الكبير حبيب العازمي لكل المكرمين من السوطه



وكان مع الشاعر حبيب العازمي في زيارته
الشيخ سحيمان العازمي
والشيخ خلف بن هريسان العازمي
والشيخ سعد بن سعيد العازمي
والشيخ سيف بن حارب العازمي
والشيخ مسعد بن قطيم العازمي
والشيخ علي بن حسن العازمي
والشيخ محيسن بن حسن العازمي
والشيخ بندر بن سعد الجديعي
والشيخ عبدالله بن زبن الجديعي
والشاعر مستور بن تركي العصيمي
والاستاذ عبدالله بن عقيل العازمي
الاستاذ حمدان بن عواض العصيمي
الاستاذ حمود بن عواض العصيمي
الاستاذ شاكر سالم العصيمي
الاستاذ عبيد خلف
والاستاذ عبدالحميد بن ربيع السميري



وفور وصولهم لمقر الحفل انشدوا هذه الحداه التي لاقت استحسان الجميع


سلام للي كمل الواجب وجينا في وجوبه=والله يقدرنا على رد الجميل لمن بدوبه
في راي شيخأ يوم ضاق الصدر ماضاقت دروبه=تنشر له البيضاء من العارض ليا ضلع السراه
والثانيه حنا عتيبه والقوانين محسوبه=كل(ن) يكمل بالوفاء على النقا فاللي ينوبه
والجدر بنيه ياعتيبه طوبت(ن ) من فوق طوبه =واليا تفكك طاح واللي هد جدره مابناه




وكان في استقبالهم
شيخ قبيلة السوطه :عبدالله بن معيوض السواط
والشيخ هلال بن جميل السواط
والشيخ حامد بن محيميد السواط
والشيخ بريكان بن معيض السواط
والشيخ بركي بن بريك السواط
والشيخ عيضه بن زيد السواط
والشيخ عبدالله بن فالح السواط
والشاعر احمد السواط
والشاعر عواض الشهيب





وقد قاموا بالرد على حداة الضيوف وكان هذا الرد الرائع



يامرحبا واهل الوفاء من طيبهم جونا وجوبه=كفو ووفوا والطريق الي مشينا به مشوا به
شيوخنا وشيوخكم بين الرياجيل محبوبه = الله يعز اللي يلم الشمل ويسدد خطاه
والثانيه حنا قراح العد شلينا غروبه =وليا تكاتفنا شربنا بالرضاء ولا غصوبه
والجدر ماينهال لا منا تلافينا عيوبه = نبنيه بالسيسان ونقص الحصاه من الحصاه




وبعدها تناول الجميع العشاء ثم انطلقت المحاوره الشعريه والتي احياها كل من الشعراء
حبيب العازمي ومستور العصيمي وعواض الشهيب واحمد السواط


وسيتم نقل الحفل على قناة المرقاب في الايام القادمه

عبدالرحمن الهيلوم 21-Jul-2009 07:49 PM

بيض الله وجهك

يابو فايح

ناصر حامد الثبيتي 21-Jul-2009 10:34 PM

انعم والله بالعوازم وبالسوطه ومابين الاحباب الا كل طيب وكل خير والله يديم العشره والمحبة بينهم لقادم الايام

فايز بن سرحان الثبيتي 22-Jul-2009 12:15 AM

بيض الله وجيه العوازم وافين والسوطة هل الاوله

العوازم

سلام للي كمل الواجب وجينـا فـي وجوبـه
والله يقدرنـا علـى رد الجميـل لمـن بدوبـه


السوطه
يامرحبا واهل الوفاء من طيبهم جونا وجوبه
كفو ووفوا والطريق الي مشينا به مشوا به


ياسلام ياسلام

لاهنت يابو فايح

البريماني 22-Jul-2009 04:32 AM

وونعم مليون ياعتابه وبيض الله وجه ابو فيصل والشيوخ الي معاه في مردود قهوتهم...


وبيض الله وجيه الأد سواط

لاهنت يابو فايح على النقل

رايد الهديبي 22-Jul-2009 08:10 AM

عتيبه عتيبه

ما تفرقهم أقوي قوه في الارض

لاهنت ع النقل المميز

ونعم بعتيبه صغيره وكبيرهم

كل الود والتقدير

عبدالله الاصعر 22-Jul-2009 02:51 PM

بيض الله وجهك يابوفايح


على النقــــــــــــــــــــل



والله يعز عتيبه ويديم تكاتفها

@ـايل 22-Jul-2009 03:09 PM

وفقكم الله ياللابتي ..وافين وعلومكم غانمه ..

لاهنت يابو فايح على النقل الطيب..والله يعافيك..

......

محمد العتيبي 24-Jul-2009 10:22 PM

الله يعز عتيبه في كل مكان وزمان ..

بيض الله وجهك يابوفايح
..

أبونواف 24-Jul-2009 11:09 PM

الله يعز عتيبه في كل مكان وزمان ..

بيض الله وجهك يابوفايح
..


الساعة الآن »04:45 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd