سلام يافايز اللي من هل الاوله= من لابة فالملاقا يحسب احسابها
يافايز سهوم بقعا جاتك محوله= تغانم الفرض صله وسط محرابها

يامرحبا والعلوم اقصار وامطوله = شرهة قضاة المحاكم عند كتابها
ام الكباير بعد ماجات متسوله = ياطيب حظ السباع اللي تعشابها

دام البقا والعلوم طوال ومقوله= من هو تعشى بكذبه ماتغدى بها
ام الكباير لها وجهين ومهوله= ياشينها فالمرايا لوتمرى بها

امكالمات امس جتنا اليومه امحوله = مدري وش اللي مع اخطوط الهوى جابها
والسالفه بنت ابوها دووونه مخوله = تمشي على جرته واتسير اركابها

ناقة عريمان شفها جاتك مشوله= لكن جرد لها السكين ونصابها
الحمله اللي عليها حمله متوله= من هو ضحك بالبليه لزم يبلا بها