مادام اليله الميدان راكد حرك الميدان=وشب النار يالعمدة وانا ماني مطفيها
نبيها تنتهي والفجر نوره يارجل مابان=نبيها نار يارجال تحرق رجل واطيها

بيوت العز فيهـــــــــا الخيـر والميدان يا حميدان=ليا بعت العوافي بعـــــــد عشر ايام تشــــريها
تحيزم بالحزام اليا الركب واصهل صهيل حصان=واسر ليلتك بثياب الحذر تسلم بلاويها

بيوت العز فالماضي وهاللحينه بلا بيبان=وتلعب وسطها الاطفال ماعينت حاميها
ماجيتك غير بالسيف الصقيل وشايل الاكفان=تكفني بها لن مت ولا اكفنك فيها

شعاع النور ما يقدر يغطه شاهد البهتان=يشيل الهاملة واليا تعب منها يوطيها
قصير العنق نرحم عنقه الماخوذ من شامان=لكن اليا استطال نكحل عيونه ونعميها

منول يمتل الميدان بالفرسان والشجعان=وهاللحينه مانلقا غير ابولاله يلاليها
يابو عنقن طويل احمه قبل ينزل عن الامتان=ولو مافيه واحد منهم يقدر يوسويها

مواطن صربيا مهما حكى عن دولة الايمان=بعيدة عن كلامه والله الرزاق مغنيها
يروح هناك للبوسنة وللهرسك وللشيشان=لعله يغصب ارض بقوة ذراعه ويبنيها

هذا من غيرتي على اسمن مسجل على العنوان=مكانه بأول الفرسان لكن صار تاليها
انا ماجيتها جايع ولاغادرتها شبعان=وانا هاللحين فيها اللي قبل ساعه تسميها